Прывітанне, сябры!

Крыху распавяду вам пра інтсрумент які мы стварылі і карыстаемся самі.

Неяк нас крыху задзяўбло спрабаваць весці некалькі сацсетак адначасова - Адкрыць Telegram-канал, уставіць тэкст, аформіць спасылкі. Затым адкрыць Discord-сервер - там спасылкі выглядаюць інакш, трэба падправіць Markdown-разметку. Потым скапіяваць усё гэта ў X (Twitter) і Threads, дзе ліміты сімвалаў прымушаюць вас пакутаваць і сутаргава скарачаць кожны сказ. А калі вы працуеце ў камандзе, да гэтага дадаецца бясконцы абмен файламі, узгадненне чарнавікоў і пытанні кшталту: «А хто-небудзь ужо адправіў гэты пост у Твітэр?»

А сэрвісы якія ужо існуюць? Не, бо ... а 20 баксаў - гэта 20 баксаў.

Таум - калі вам гэта знаёма, вы дакладна зразумееце, чаму мы вырашылі стварыць Composer. Мы хацелі інструмент, які дазваляе напісаць тэкст адзін раз у Markdown і адным клікам адправіць яго на патрэбныя пляцоўкі. і самае галоўнае — мы хацелі зрабіць яго цалкам бясплатным, бяспечным і адкрытым.

У гэтым артыкуле мы падрабязна распавядзем, што ўмее наш інструмент, чаму мы абралі менавіта такую архітэктуру і як вы можаце разгарнуць яго на сваім серверы або самастойна скампіляваць дэсктопны дадатак для Windows, macOS ці Linux. Паехалі!

---

Чаму менавіта Composer? (І што ён дае людзям)

Мы не хацелі рабіць чарговы дарагі SaaS-сэрвіс па падпісцы з кучай непатрэбных функцый. Наша мэта — зручнасць, хуткасць і поўны кантроль над сваімі дадзенымі. Вось што Composer дае кожнаму карыстальніку:

1. Markdown-рэдактар як адзіная крыніца праўды: Вы пішаце тэкст у адным акне. Вы можаце выкарыстоўваць чысты Markdown або пераключыцца ў зручны візуальны WYSIWYG-рэжым.
2. Разумная адаптацыя фарматавання: Розныя сацыяльныя сеткі жывуць па сваіх правілах. Telegram патрабуе спецыфічны HTML, Discord разумее свой Markdown, а X і Threads любяць просты тэкст. Composer аўтаматычна канвертуе ваш зыходны тэкст пад патрабаванні кожнай платформы.
3. Рэалістычны перадпрагляд (Preview): Больш ніякіх сюрпрызаў пасля публікацыі! Вы бачыце, як менавіта ваш допіс будзе выглядаць у кожнай выбранай сетцы, яшчэ да адпраўкі. Калі тэкст занадта доўгі, сістэма папярэдзіць вас або прапануе падзяліць яго на ланцужок паведамленняў.
4. Поўная прыватнасць (Open Source): Праект распаўсюджваецца па ліцэнзіі MIT. Мы не збіраем вашы токены або паролі. Увесь зыходны код цалкам адкрыты і даступны на GitHub. Вы можаце бясплатна запусціць яго на нашым бэку(для дэсктоп дадатку) composer.bel-geek.com або разгарнуць цалкам лакальна.
5. Гнуткая сумесная праца: Вы можаце ствараць працоўныя прасторы (Workspaces), запрашаць калег, даваць ім розныя правы доступу (напрыклад, толькі для рэдагавання або толькі для публікацыі ў канкрэтныя каналы) і планаваць пасты на будучыню.

---

Параўнанне з камерцыйнымі сэрвісамі автопостынгу

Калі вы пачнеце шукаць рашэнні для мультыпостынгу, то першымі ў пошуку з'явяцца папулярныя сэрвісы накшталт Buffer, Hootsuite, Later ці CoSchedule. Усе яны неблагія, але давайце паглядзім праўдзе ў вочы:

Функцыя / Параметр	Buffer	Hootsuite	Composer
Кошт	Бясплатна (абмежавана) або ад $6/мес за канал	Ад $99/месяц (няма бясплатнага тарыфу)	Абсалютна бясплатна
Зыходны код	Закрыты (Proprietary)	Закрыты (Proprietary)	Open Source (MIT)
Ліміт на каналы	Да 3 каналаў на бясплатным тарыфе	Ад 10 каналаў (толькі платна)	Ніякіх абмежаванняў
Захаванне дадзеных	На серверах Buffer	На серверах Hootsuite	Пад вашым кантролем (MongoDB або лакальна)
Калектыўная праца	Платна (ад $12/мес за канал)	Платна (у дарагіх тарыфах ад $249/мес)	Бясплатна (Workspaces без лімітаў)
Постынг у X і Threads	Абмежаваны на бясплатным тарыфе	Толькі на платных тарыфах	Бясплатна праз убудаваны браўзер

Чаму бясплатны Open Source лепш за камерцыйны SaaS?

• Незалежнасць ад коштавай палітыкі: Сёння X (Twitter) робіць сваё API платным — і камерцыйныя сэрвісы мусяць падымаць кошты або цалкам адключаць падтрымку гэтай сеткі на танных тарыфах. Composer Desktop абыходзіць гэта дзякуючы працы праз лакальны браўзер.
• Свабода выбару хостынгу: Вы не залежыце ад сервераў аднаго правайдэра. Калі іх сервер «ляжа», вы не зможаце зрабіць допіс. У выпадку з Composer вы можаце выкарыстоўваць наш гатовы сервер альбо за некалькі хвілін запусціць свой бэкенд і працаваць цалкам аўтаномна.
• Чысты змест без «вадзяных знакаў»: Некаторыя сэрвісы на бясплатных тарыфах дадаюць у канцы вашых пастоў рэкламныя прыпіскі («via Buffer»). З Composer ваш кантэнт належыць толькі вам і публікуецца без лішніх брэндавых пазнак.

---

Вэб і дэсктоп: як гэта працуе пад капотам

Магчыма, вы спытаеце: «Чаму прылада складаецца і з вэб-сервера, і з дэсктоп-дадатку?» Тут крочыцца вельмі цікавае інжынернае рашэнне.

Справа ў тым, што розныя сацыяльныя сеткі маюць розныя ўзроўні адкрытасці:

• Telegram і Discord: Гэтыя платформы маюць выдатныя, бясплатныя і адкрытыя API. Таму наша вэб-версія (бэк) працуе з імі напрамую праз серверных ботаў. Вы проста дадаеце токен бота ў налады працоўнай прасторы, і сервер сам адпраўляе паведамленні.
• Threads і X (Twitter): Тут сітуацыя горшая. Афіцыйныя API альбо залішне абмежаваныя, альбо каштуюць шалёных грошай для звычайных карыстальнікаў. Каб вырашыць гэтую праблему і не прымушаць вас плаціць, мы стварылі Composer Desktop на базе Electron.

Дэсктопны дадатак працуе як лакальны памочнік. У яго ўбудаваны браўзер, у якім вы адзін раз аўтарызуецеся ў сваіх акаўнтах Threads і X. Дадатак рэгулярна звяртаецца да вашага сервера, забірае запланаваныя пасты і публікуе іх ад вашага імя прама праз браўзер. Важна: вашы cookies, паролі і сесіі ніколі не адпраўляюцца на сервер — яны застаюцца толькі на вашым кампутары.

---

Як разгарнуць уласны бэкенд (Self-hosting)

Калі вы хочаце поўнай незалежнасці ад вонкавых сэрвісаў, вы можаце разгарнуць уласную копію Composer. Для гэтага вам спатрэбяцца Git, база даных MongoDB, а таксама Node.js і Bun.

🛠️ Як усталяваць Node.js, npm і Bun на кампутар

Перад пачаткам пераканайцеся, што на вашай машыне ўсталяваныя неабходныя інструменты. Вось кароткае кіраўніцтва па іх усталёўцы для розных аперацыйных сістэм:

1. Усталёўка Node.js і менеджэра пакетаў npm

• Windows і macOS: Спампуйце і запусціце афіцыйны інсталятар версіі LTS з сайта nodejs.org.
• macOS (праз Homebrew): Калі ў вас усталяваны Homebrew, выканайце ў тэрмінале:

  bashCopy
  1brew install node

• Linux (Ubuntu/Debian): Усталюйце праз афіцыйны пакетны менеджэр:

  bashCopy
  1sudo apt update
  2sudo apt install -y nodejs npm

2. Усталёўка Bun

Bun — гэта суперхуткае асяроддзе выканання JavaScript/TypeScript, якое мы выкарыстоўваем для працы і зборкі праекта.

• macOS і Linux: Усталёўваецца адной камандай у тэрмінале:

  bashCopy
  1curl -fsSL https://bun.sh/install | bash

• Windows: Адкрыйце PowerShell ад імя адміністратара і выканайце:

  powershellCopy
  1powershell -c "irm bun.sh/install.ps1 | iex"

  (Або праз пакетны менеджэр: winget install Oven-sh.Bun)

3. Усталёўка і запуск MongoDB

Бэкенд Composer патрабуе базу даных MongoDB для захавання карыстальнікаў, чарнавікоў і налад. Вы можаце разгарнуць яе рознымі спосабамі:

• Лакальная ўсталёўка:
  • macOS (праз Homebrew):

    bashCopy
    1brew tap mongodb/brew
    2brew install mongodb-community
    3brew services start mongodb-community

  • Windows / Linux: Спампуйце бясплатную версію MongoDB Community Server з афіцыйнага сайта і запусціце яе як службу.
• Праз Docker (самы просты лакальны спосаб): Калі ў вас усталяваны Docker, вы можаце запусціць MongoDB адной камандай без неабходнасці ўсталёўваць базу наўпрост на кампутар:

  bashCopy
  1docker run -d -p 27017:27017 --name composer-mongo mongo:latest

• Воблачная база даных (MongoDB Atlas): Стварыце бясплатны кластар на mongodb.com/atlas і пазначце атрыманы адрас падключэння ў .env файле як MONGODB_URI.

---

Крок 1. Падрыхтоўка кода і залежнасцей

Вы можаце выкарыстоўваць як bun, так і npm для ўсталёўкі залежнасцей. Звярніце ўвагу: хоць пакеты можна ўсталёўваць праз npm install, для непасрэднага запуска скрыптоў бэкенду і зборкі дэсктоп-дадатку вам усё роўна спатрэбіцца ўсталяваны bun, бо ён выклікаецца ўнутрана ў файле package.json.

Клануем рэпазіторый і ўсталёўваем пакеты:

bashCopy
1git clone https://github.com/bel-frontend/tg_discord_bot.git
2cd tg_discord_bot
3
4# Карыстайцеся Bun (рэкамендуецца):
5bun install
6
7# Або выкарыстоўвайце npm:
8npm install

Крок 2. Налада атачэння

Стварыце файл .env на аснове прыкладу:

bashCopy
1cp .env.example .env

Адкрыйце яго і пазначце свае налады:

envCopy
1PORT=3000
2JWT_SECRET=прыдумайце-доўгі-выпадковы-радок
3MONGODB_URI=mongodb://localhost:27017/composer
4PUBLIC_BASE_URL=http://localhost:3000

Крок 3. Запуск

Каб запусціць праект у рэжыме распрацоўкі (з гарачай перазагрузкай):

bashCopy
1# Праз Bun (рэкамендуецца):
2bun run dev
3
4# Праз npm:
5npm run dev

Каб запусціць праект у прадукцыйным рэжыме (Production):

bashCopy
1# Праз Bun (рэкамендуецца):
2bun run start
3
4# Праз npm:
5npm run start

Таксама даступны запуск праз Docker:

bashCopy
1docker compose up -d --build

Пасля гэтага ваш уласны бэкенд гатовы і будзе чакаць запытаў на порце 3000 (або 3007 при запуску праз Docker Compose).

---

Самастойная зборка дэсктоп-дадатку для Windows, macOS і Linux

Мы лічым, што карыстальнікі павінны мець магчымасць сабраць дэсктопны кліент самастойна з зыходнага кода, каб быць на 100% упэўненымі, што ў ім няма ніякіх «закладак» ці трэкераў.

Зрабіць гэта вельмі проста. Вось пакрокавая рэцэптура для любой папулярнай аперацыйнай сістэмы.

Што спатрэбіцца:

• Усталяваны Node.js і Bun.
• Кланаваны рэпазіторый праекта (гл. крок 1 у інструкцыі па бэкендзе).

Пакрокавы працэс зборкі:

1. Перайдзіце ў каталог дэсктоп-дадатку:

   bashCopy
   1cd desktop

2. Усталюйце ўсе неабходныя пакеты:

   bashCopy
   1# Праз Bun (рэкамендуецца):
   2bun install
   3
   4# Або праз npm:
   5npm install

3. Запусціце праект у рэжыме распрацоўкі (калі хочаце проста праверыць працу): Калі ваш бэкенд працуе на http://localhost:3000, запусціце:

   bashCopy
   1# Праз Bun:
   2COMPOSER_DESKTOP_DEV_URL=http://localhost:3000 bun run dev
   3
   4# Праз npm:
   5COMPOSER_DESKTOP_DEV_URL=http://localhost:3000 npm run dev

   Або проста выкарыстоўвайце агульную dev-каманду з кораня рэпазіторыя:

   bashCopy
   1bun run desktop:dev # ці npm run desktop:dev

4. Запусціце кампіляцыю інсталятара: Выканайце з кораня праекта:

   bashCopy
   1bun run desktop:dist # ці npm run desktop:dist

   Альбо непасрэдна з тэчкі desktop:

   bashCopy
   1bun run dist # ці npm run dist

Што вы атрымаеце на выхадзе?

Інструмент electron-builder аўтаматычна распазнае вашу аперацыйную сістэму і створыць гатовы інсталятар у тэчцы desktop/release/:

• На macOS: вы атрымаеце пакет .dmg і архіў .zip.
• На Windows: будзе створаны класічны інсталятар .exe (NSIS).
• На Linux: дзякуючы нашым наладкам у package.json, вы атрымаеце ўніверсальны .AppImage і пакет .deb для Debian/Ubuntu.

Маленькая парада: Звярніце ўвагу, што для кампіляцыі пад macOS вам спатрэбіцца камп'ютар Mac, бо сабраць .dmg на Windows ці Linux стандартнымі сродкамі не атрымаецца.

🚀 Першы запуск і падключэнне да бэкенду (вэб-сервера)

Пры першым запуску скампіляванага або запушчанага ў распрацоўчым рэжыме Composer Desktop, дадатак папросіць вас увесці адрас сервера (Server URL).

Тут у вас ёсць два зручныя варыянты:

1. Калі вы не хочаце разгортваць уласны бэкенд: Вы можаце выкарыстоўваць наш афіцыйны хостынг. Проста пазначце адрас нашага агульнага і цалкам бясплатнага сервера:

   textCopy
   1https://composer.bel-geek.com

   Пасля гэтага зарэгіструйцеся там або ўвайдзіце пад сваім акаўнтам і карыстайцеся ўсімі магчымасцямі дэсктопнага памочніка (уключаючы лакальны постынг у X і Threads) без неабходнасці наладжваць базу даных MongoDB ці Docker.

2. Калі вы разгарнулі свой бэкенд: Пазначце адрас вашай уласнай копіі сервера (напрыклад, http://localhost:3000 ці https://composer.yourdomain.com).

---

Далучайцеся да супольнасці!

Мы стварылі Composer для сябе і для ўсіх, хто стаміўся ад руціны і хоча мець пэўную свабоду ў кіраванні сваімі публікацыямі.

Паспрабуйце працуючую версію на composer.bel-geek.com прама зараз (даступныя тг боты і дыскорд) — гэта бясплатна і не патрабуе ніякай складанай наладкі. А калі вам спадабалася ідэя, заходзьце на наш GitHub, стаўце зорачкі, стварайце Issue з вашымі прапановамі і дасылайце Pull Request-ы. Давайце рабіць гэты праект лепш разам!

Дзякуй за ўвагу і прыемнага карыстання!