Кожны раз, калі мне трэба было падзяліцца доўгай спасылкай, я карыстаўся публічнымі сэрвісамі для скарачэння. Але ў нейкі момант я задумаўся: навошта, калі ў мяне ўжо ёсць мой уласны дамен? Ён і так досыць кароткі, а пры жаданні я заўсёды мог бы разгарнуць уласны URL-скарачальнік з адкрытым зыходным кодам (ці нават напісаць свой). Як аказалася, асобны сэрвіс мне наогул не спатрэбіўся.

Мой блог пабудаваны на Hugo і разгортваецца ў Cloudflare Pages праз GitHub Actions. Cloudflare Pages падтрымлівае файл _redirects, які дазваляе наладжваць HTTP-перанакіраванні.

Фармат вельмі просты. Напрыклад, можна дадаць такі радок:

textCopy
1/wiki-bot https://github.com/hleb-kastseika/daily-wiki-pic 301

І пасля наступнага дэплоя hleb.dev/wiki-bot будзе перанакіроўваць на github.com/hleb-kastseika/daily-wiki-pic. Вось і ўсё.

Ніякай базы даных, ніякага бэкенду і ніякага асобнага сэрвісу. Увесь спіс кароткіх спасылак — гэта звычайны тэкставы файл у маім Git-рэпазіторыі. Мне вельмі падабаецца, што інфраструктура, якую я ўжо выкарыстоўваю для публікацыі блога, выдатна падыходзіць і для гэтай задачы.

Цяпер усе мае кароткія спасылкі знаходзяцца пад маім кантролем, версіянуюцца разам з рэпазіторыем блога і аўтаматычна разгортваюцца праз мой CI/CD.

Гэта пераклад майго англамоўнага артыкула.