З новым 2025 годам!!!
Вітаю, спадарства! Вось і падыходзіць да канца 2024 год.
І ад усёй нашай невялікай каманды віншуем вас з надыходзячым 2025 годам! Жадаем вам усяго самага найлепшага! Каб вам наступны год прынёс спраўджванне вашых надзей і мар!
Няхай 2025 год стане часам новых магчымасцяў, яскравых падзей і добрых навін. Няхай у вашым жыцці будзе шмат радасці, здароўя і натхнення для рэалізацыі самых смелых планаў.
Дзякуем, што застаяцеся з намі, чытаеце наш сайт і падтрымліваеце наш тэлеграм-канал. Мы абяцаем і ў новым годзе радаваць вас цікавым кантэнтам, карыснымі парадамі і навінамі са свету тэхналогій.
Ну і крыху падвядзем вынікі:
Тэлеграм
Наш канал вырас з 400 падпісчыкаў амаль да 850
Сярэдняя колькасць пастоў у месяц - 77
Сярэдняя колькасць праглядаў аднаго паста - 277.
Наш сайт
За гэты год мы стварылі больша за 20 артыкулаў.
За год наш сайт наведалі 3200 разоў больш за 1000 чалавек.
І самымі чытанымі сталі наступныя артыкулы :
Што паглядзець ці пачытаць на беларускай мове. Частка 2
Токены - галоўная прычына неэфектыўнасці ШІ
Кастамная раскладка клавятуры Windows для беларускай лацінкі й ня толькі
Аб чым маўчаць летапісы. Рагнеда - першая вядомая жанчына Полацкага княства.
28 рэчаў, якія я зразумеў за 28 гадоў
Нашыя аўтары:
Асаблівую падзяку хочацца выказаць нашым аўтарам, якія стварылі шмат цікавых, разнастайных артыкулаў, якім пазайздросцяць нават BBC ці NYT:
- LoveJS
- Škalar
- BiełaruskiBajan
- Aleś Karoza
- Linux па-беларуску
- Siarhei Tomin
Нажаль. Падарункі мы так нікаму і не даслалі, бо форму так ніхто і не запоўніў.
Што далей:
На наступны год у нас шмат планаў. Мы спадзяемся запусціць свой уласны сэрвіс па працы з ШІ (пра яго будзе асобны артыкул), пашырыць магчымасці нашага сайту: аўтарызацыя праз гугл акаунт, папрацуем крыху з SEO, дададзім магчымасць пошуку па аўтарам і тэгам, дададзім ШІ памочніка для напісання артыкулаў.
Перапрацуем наш ШІ-дапаможнік для падпісчыкаў на дзённыя навіны. Напішам больш цікавых і карысных артыкулаў.
PS
Няхай гэты год быў не настолькі прадуктыўны як папярэдні, але мы спадзяемся што наша справа для кагосьці важная і мы працягнем рабіць больш кантэнту. Дзякуй за вашу падтрымку!
Каментары
(Каб даслаць каментар залагуйцеся ў свой уліковы запіс)